ABŞ-2017: Yarış

Lyuis Həmilton Ostinə çempionatdakı əsas rəqibi Sebastyan Fetteldən 59 xal öndə gəlib. Britaniyalı poulun sahibi olub, Fettelin ona cüzi fərqlə uduzaraq ikinci olması italyan komandanı yarışda Mercedes-lə mübarizə aparmağa ümidləndirib.

F-1.az xatırladır ki, hər üç sərbəst yürüş sessiyasında Həmilton protokollara başçılıq etmişdi. Onun uğurlu çıxışı sıralanma turunda da davam etmiş və karyerasında 72-ci poulunu qazanmışdı. Startda 4 sürücünün – Vandorn, Hartli, Hülkenberq və Ferstappenin güc qurğusundakı dəyişikliklərə görə yer itirəcəyi məlum idi. Maqnussen və Stroll isə sıralanma turundakı insidentlərə görə 3 yer itirməklə cəzalandırılmışdılar.

Start xəttində ilk sırada Həmilton və Fettel, ikinci sırada Bottas və Rikkardo, üçüncü sırada isə Rəykkönen və Okon qərarlaşıblar. Pirelli Ostinə ən yumşaq üçlüyü gətirib. Sürücülər ilk sərbəst yürüşlərdə tras nəm olduğu üçün sliklərlə çox işləyə bilməsələr də, sonrakı sessiyalarda onları qiymətləndirməyə imkan tapıblar. Yarışa Verlyayn Soft, Massa, Eriksson, Stroll, Ferstappen və Vandorn SuperSoft, qalan sürücülər isə UltraSoft təkərlərlə başlayıblar.

Daha yaxşı start alan Fettel Həmiltonu qabaqlayaraq liderliyə yüksəlib. Okon Rəykköneni, Alonso isə Saynsı keçib. Maqnussen və Verlyayn toqquşublar, lakin yollarına davam ediblər. Dövrənin sonunda Maqnussen təkəri deşildiyi üçün pit yoluna üz tutub. Rikkardo Bottasa hücum edərkən onu hətta trasdan çıxarıb, lakin Valtteri mövqeyini qoruya bilib. 16-cı yerdən start alan Ferstappen 11-ci yerə qədər yüksəlib. 2-ci dövrədə ilk onluq: Fettel – Həmilton – Bottas – Rikkardo – Rəykkönen – Okon – Alonso – Sayns – Massa – Peres.

Dördüncü dövrədə Verlyyan təkərlərini dəyişib. Hülkenberq boksa yollanıb və mübarizəni dayandırıb. Rikkardo Bottasa daha bir aqressiv hücum etsə də, onu keçməyə nail olmayıb. Fettel Həmiltondan bir qədər aralansa da, növbəti dövrələrdə britaniyalı sürətli dövrələrlə ona yaxınlaşıb və fərqi bir saniyədən aşağı salıb. Altıncı dövrədə Fetteli keçən Lyuis liderliyini qaytarıb. Maks isə Sayns və Alonsonu da keçərək səkkizinci yerə yüksəlib. Verlyayn da 7-ci dövrədə mübarizəni dayandırıb. Ferstappen 10-cu dövrədə altıncılıq uğrunda mübarizədə Okonu qabaqlayıb. 1o-cu dövrədə ilk onluq: Həmilton – Fettel – Bottas – Rikkardo – Rəykkönen – Ferstappen – Okon – Alonso – Sayns – Massa.

Yarışın 11-ci dövrəsində Stroll təkərlərini dəyişib. Rəykkönen Rikkardoya hücumlar edib, lakin Red Bull sürücüsü pit-stopa yollanıb. 15-ci dövrədə Okon və Alonso da təkərlərini dəyişiblər. Növbəti dövrədə Rikkardo motor güc itirdiyi üçün maşını təhlükəsizlik zonasında saxlayıb. 17-ci dövrədə Lyuisdən 5 saniyə geri qalan Sebastyan Soft təkərlərə keçib. İki dövrdə sonra pit-leynə yollanan Bottas Fetteldən 6 saniyə geridə trasa qayıdıb. Həmilton da 20-ci dövrədə Soft təkərlərə keçib. O, trasa qayıdarkən Fettelin hücumlarına məruz qalıb, lakin yerini qoruya bilib. Bundan bir qədər əvvəl səhvə yol verən Fettel əsas rəqibini keçmək şansını itirib. Növbəti dövrələrdə Sayns, Rəykkönen və Eriksson da təkərlərini dəyişiblər. 23-cü dövrədə Lyuis hələ pit-stop etməmiş Ferstappeni üstələyib. Sayns da Vandornu keçərək 10-cu yerə yüksəlib.

Ferstappen, nəhayət, 25-ci dövrədə təkərlərini dəyişib. Alonso bu dəfə də mühərrik problemi ilə qarşılaşıb və yarışı dayandırıb. Peres komanda yoldaşına hücum etmək üçün icazə istəyib. Okon da öz növbəsində Massaya hücumlar edib, lakin braziliyalı sürücü pit yoluna yönəlib. 30-cu dövrədə ilk onluq: Həmilton – Fettel – Bottas – Rəykkönen – Ferstappen – Okon – Peres – Sayns – Kvyat – Qrojan.

32-ci dövrədə Peres yenidən komandaya müraciət edib. Sayns və Kvyat da onlara xeyli yaxınlaşıblar. İki dövrə sonra Sayns meksikalıya hücum edib və onu keçib. 37-ci dövrədə Hartli və Stroll, 38-ci dövrədə isə Ferstappen ikinci dəfə təkər dəyişiblər. Rəykkönen Bottasa yaxınlaşıb, onu keçməyə cəhd etsə də, maşının sürəti buna imkan verməyib. Ferrari Fettelin strategiyasını dəyişməyi qərara alıb və onu ikinci dəfə pit-stopa çağırıb. Alman sürücü trasa dördüncü yerdə qayıdıb. Massa Qrojanı keçərək 10-cu yerə yüksəlib. 42-ci dövrədə Rəykkönen Bottası üstələyib və ikinci yerə yüksəlib. 45-ci dövrədə ilk onluq: Həmilton – Rəykkönen – Bottas – Fettel – Ferstappen – Okon – Sayns – Peres – Kvyat – Massa.

Yarışın 48-ci dövrəsində Erikssonla təmas yaşayan Maqnussen yerində fırlanıb. Stüardlar isveçli sürücüyə 5 saniyəlik cəza veriblər. Sayns Okona hücumlar etsə də, keçməyə nail olmayıb. Fettel Bottasla fərqi azaldıb və onu keçib. Rəykkönen də dərhal komanda yoldaşını irəli buraxıb. Sona 5 dövrə qalmış Ferstappen də Bottası keçib, o da bir dövrə sonra pit-stopa yollanıb. 53-cü dövrədə ilk onluq: Həmilton – Fettel – Rəykkönen – Ferstappen – Bottas – Okon – Sayns – Peres – Massa – Kvyat.

Ferstappen sön dövrədə Rəykkönenə aqressiv hücum edib və onu keçərək üçüncü yerə yüksəlib, lakin hücum zamanı onun maşınının dörd təkəri də trasdan kənarda olub. Stüardlar həmin məqamı diqqətlə təhlil ediblər və Maksın nəticəsinə 5 saniyə əlavə ediblər.

Lyuis Həmilton mövsümdə 9-cu, karyerasında 62-ci qələbəsini qazanıb. Sebastyan Fettel ikinci olub və çempionatda onların arasındakı xal fərqi 66-a yüksəlib. Podiumun son pilləsinə Kimi Rəykkönen yüksəlib. Sayns Renault-ya ilk yarışındaca xal qazandırıb və komandasının Haas-ı keçməsinə şərait yaradıb.

Mercedes AMG vaxtından əvvəl Mühəndislər Kubokunu qazanıb. Komanda buna ikinci dəfədir ki, məhz Ostində nail olur. Cəmi altı sürücü yarışı liderlə eyni dövrədə başa vura bilib. Mübarizə gələn həftə Meksikada davam edəcək…

Yer N Sürücü Komanda Zaman/Fərq Pit
1 44 Lyuis Həmilton Mercedes AMG 1:33:50.991 1
2 5 Sebastyan Fettel Ferrari + 0:10.143 2
3 7 Kimi Rəykkönen Ferrari + 0:15.779 1
4 33 Maks Ferstappen * Red Bull + 0:16.768 2
5 77 Valtteri Bottas Mercedes AMG + 0:34.967 2
6 31 Esteban Okon Force İndia + 1:30.980 1
7 55 Karlos Sayns Renault + 1:32.944 1
8 11 Serxio Peres Force İndia + 1 dövrə 1
9 19 Felipe Massa Williams + 1 dövrə 1
10 26 Daniil Kvyat Toro Rosso + 1 dövrə 1
11 18 Ləns Stroll Williams + 1 dövrə 2
12 2 Stoffel Vandorn McLaren + 1 dövrə 1
13 39 Brendon Hartli Toro Rosso + 1 dövrə 2
14 8 Roman Qrojan Haas + 1 dövrə 1
15 9 Markus Eriksson Sauber + 1 dövrə 1
16 20 Kevin Maqnussen Haas + 1 dövrə 2

 

* hücum edərkən tras hüdudlarından kənara çıxaraq üstünlük qazandığı üçün Maks Ferstappenin yekun nəticəsinə 5 saniyə əlavə edilib.

Sürətli dövrə: Sebastyan Fettel (Ferrari) – 1:37.766 (51-ci dövrə, 203.003 km/saat).

 

MÜBARİZƏNİ DAYANDIRANLAR:

Sürücü Komanda Dövrə Səbəb
Fernando Alonso McLaren 24 MGU-H generatoru
Daniel Rikkardo Red Bull 14 güc qurğusu
Paskal Verlyayn Sauber 5 altlığın zədələnməsi
Niko Hülkenberq Renault 3 mexaniki problem

 

SÜRÜCÜLƏRİN ÇEMPİONATI:

Yer N Sürücü Ölkə Komanda Xal
1 44 Lyuis Həmilton Mercedes AMG Petronas F1 Team 331
2 5 Sebastyan Fettel Scuderia Ferrari 265
3 77 Valtteri Bottas Mercedes AMG Petronas F1 Team 244
4 3 Daniel Rikkardo Red Bull Racing 192
5 7 Kimi Rəykkönen Scuderia Ferrari 163
6 33 Maks Ferstappen Red Bull Racing 123
7 11 Serxio Peres Sahara Force İndia F1 Team 86
8 31 Esteban Okon Sahara Force İndia F1 Team 73
9 55 Karlos Sayns Scuderia Toro Rosso 54
10 19 Felipe Massa Williams Martini Racing 36
11 27 Niko Hülkenberq Renault Sport Formula 1 Team 34
12 18 Ləns Stroll Williams Martini Racing 32
13 8 Roman Qrojan Haas F1 Team 28
14 20 Kevin Maqnussen Haas F1 Team 15
15 2 Stoffel Vandorn McLaren Honda Formula 1 Team 13
16 14 Fernando Alonso McLaren Honda Formula 1 Team 10
17 30 Colion Palmer Renault Sport Formula 1 Team 8
18 94 Paskal Verlyayn Sauber F1 Team 5
19 26 Daniil Kvyat Scuderia Toro Rosso 5

 

MÜHƏNDİSLƏR KUBOKU:

Yer Komanda Motor Xal
1 Mercedes AMG Petronas F1 Team Mercedes 575
2 Scuderia Ferrari Ferrari 428
3 Red Bull Racing TAG Heuer 315
4 Sahara Force İndia F1 Team Mercedes 159
5 Williams Martini Racing Mercedes 68
6 Scuderia Toro Rosso Renault 53
7 Renault Sport Formula 1 Team Renault 48
8 Haas F1 Team Ferrari 43
9 McLaren Honda Formula 1 Team Honda 23
10 Sauber F1 Team Ferrari 5
, , , , , , , ,

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*