18 Oktyabr 2017, Çərşənbə - 00:29

2017-ci ilin təkərlərinin ilk test günü başa çatıb (fotolar)

2017-ci ilin təkərlərinin ilk test günü başa çatıb (fotolar)

Müəllif: Elçin Zodorov, redaktor

22:17 - 01 Avqust, 2016

Pirelli-nin 2017-ci il üçün olan təkərlərinin testləri artıq başlayıb. Daha əvvəl prototipləri test edilən bu təkərləri ilk olaraq Ferrari, Red Bull və Mercedes AMG komandaları sınaqdan keçirəcəklər. Əldə edilən nəticələr bütün komandalarla paylaşılacaq. Yerdə qalan komandalar isə yeni təkərləri mövsüm bitdikdən sonra yoxlamaq şansını əldə edəcəklər.

F-1.az xəbər verir ki, testlərin ilk günü bu gün Fiorano trasında Ferrari komandasının iştirakı ilə keçirilib. Gələn il istifadə olunacaq təkərləri ilk test edən sürücü Sebastyan Fettel olub. O, bu gün komandanın 2015-ci ildə istifadə etdiyi və 2017-ci ilin reqlamentinə uyğun modifikasiya edilmiş SF15-T ilə 82 dövrə vurub.

Fioranoda ilk gündə yağış təkərlərinin test edilməsi əvvəlcədən nəzərdə tutulmuşdu. Buna görə də, Fettel sliklərlə bir neçə dövrə vurduqdan sonra boksa qayıdıb. Tras süni şəkildə sulanıb və dörd qat dünya çempionu yağış təkərləri ilə trasa qayıdıb. Asfaltın tezliklə quruması nəzərə alınıb və hər 10 dövrədən bir sulama sistemi yenidən işə salınıb.

Gün ərzində həm keçid, həm də yağış təkərlərini test edən Fettelin ən yaxşı nəticəsi 1:09.360 olub. Testlərin ikinci günündə alman sürücünü Esteban Qutyerres əvəz edəcək.

Testi yaxından izləyənlər arasında Ferrari-nin yeni texniki direktoru Mattio Binotto və baş konstruktoru Simone Resta da olub. Onlar testlərə olduqca böyük maraq göstəriblər.

 

 

 

Qalereya


Son Xəbərlər

İnformasiya

Bölüm Xəbərlər
Mənbə
Baxış Sayı 371
Teqlər , , , , , , , ,
Paylaş

logo